ပါမောက္ခချုပ်ဆရာတော်ဘုရားကြီး မိန့်ကြားချက်

☘️ အမေရိကားမှာ စာမေးပွဲသွားဖြေမယ့် အသက် (၁၃) နှစ်အရွယ်ကလေးကို ပါမောက္ခချုပ်ဆရာတော်ဘုရားကြီး
မိန့်ကြားတဲ့  မြန်မာတွေအားလုံး အတွက်
အဖိုးမဖြတ်နိုင်တဲ့ သြဝါဒ ☘️

☘️ သူတို့ဓလေ့ထုံးတမ်းကို သိအောင်လုပ်ရမယ်။ အကုန် လိုက်စရာမလိုဘူး။ ပညာကတော့ အကုန်သင်ရမယ်၊ သူတို့ဆီက ရသမျှ ပညာအကုန်သင်။ အရေးကြီးတာက ပညာ၊ ပညာဆိုတာ subject matter ပေါ့ နော်။

☘️ ကိုယ့်ဟာကိုယ်တော့ ကိုယ့်ဟာကိုယ်ထိန်းသိမ်းထား။ ဘာလို့လဲဆိုတော့ ကိုယ်ကဘယ်လောက် တော်သွားသွား ကိုယ်က အမေရိကန်လည်းမဖြစ်ဘူး၊ အင်္ဂလိပ်လည်းမဖြစ်ဘူး။ ကိုယ့်လူမျိုးက ကိုယ့်လူမျိုးဘဲ။

☘️ အဲတော့ လောကကြီးမှာ ကိုယ့်လူမျိုး ကိုယ့်ဘာသာကို မသိဘူးလို့ပြောရတာလောက် ရှက်စရာကောင်းတာမရှိဘူး။ ကျန်တာတော့ သိချင်သလောက်သိ, တတ်ချင်သလောက်တတ် သိလေ တတ်လေ ကောင်းလေဘဲ။ ဘာဖြစ်ဖြစ်
ပြောတတ်ရမယ်။

☘️ ဘုန်းဘုန်းတို့ကတော့ သူတို့က ကိုယ့်ကို အင်္ဂလိပ်စာ မတတ်ဘူးလို့ပြောမယ်ဆိုလို့ရှိရင် မင်းကော ဗမာစကားတတ်လား၊ အဲလိုဘဲပြန်မေးမယ်။ အဲတော့ မင်းနဲ့ငါနဲ့တူတူဘဲ။ မင်းလည်း ဗမာလိုမတတ်ဘူး၊ ငါလည်း အင်္ဂလိပ်လို မတတ်ဘူး။

☘️ အရေးကြီးတာက ဘာသာစကားထက် subject matter ကို တတ်ဖို့လိုတယ်။ ဂျပန်တွေတို့ ကိုရီးယားတွေတို့ဆိုတာ အင်္ဂလိပ်စာ
ပြောတတ်တဲ့သူရှားတယ်၊ ဒါပေမယ့် သူတို့က subject matter သိတယ်။ Subject matter တတ်ဖို့က အဓိကဘဲ။

☘️ ဘာသာစကားမတတ်ရဘူးလို့ ဘုန်းဘုန်းက ပြောတာမဟုတ်ဘူး။ အင်္ဂလိပ်နဲ့တင် မလုံလောက်သေးဘူး။ ဂျာမန်လိုလည်းတတ်အောင်
လုပ်, ရုရှားလိုလည်းတတ်အောင်လုပ်။
တိုးတက်တဲ့နိုင်ငံတွေမှန်သမျှ အကုန်လုံးတတ်ရင်ကောင်းတာဘဲ။ All languages are very useful.

☘️ ဘုန်းဘုန်းတို့ဆို ကိုရီးယားသွားရင်, မတတ်,တတတ်နဲ့ကိုရီးယားလိုပြောရင် "အညာစယောတို့၊ ဂန်ဆနီးဒါး" တို့ပြောရင် သူတို့သိပ်
သဘောကျတယ်။ ပေါင်းသင်းဆက်ဆံရေးမှာဘာသာစကားတတ်ရင် အင်မတန်မှကောင်းတယ်။ သူတို့ကလည်း အခုဆို မြန်မာလို "မင်္ဂလာပါ" က
စပြောတယ်။ အဲလိုပေါ့။

☘️ ဘာသာစကားက တတ်တာကောင်းတယ်။ ဘာသာစကားတတ်အောင်လုပ်ပြီးတော့ ကိုယ့်လူမျိုးရဲ့ယဉ်ကျေးမှု၊ ကိုယ့်ရဲ့ tradition ဟာ မပြောင်းရဘူး ပြောင်းလဲလို့မဖြစ်ဘူး။ ဟုတ်တယ်မလား။ I will never be American. Burmese is Burmese. ဗမာလူမျိုးဘဲဖြစ်မယ်။ နာမည်တော့ပြောင်းလို့ရတယ်။ ဒါပေမယ့် ရုပ်ကပြောင်းလို့မရဘူး။

☘️ အဲတော့က်ိုယ်မွေးတဲ့ ကိုယ့်မိဘ၊ ကိုယ့်တိုင်းပြည်ပေါ်မှာ ခိုင်မာတဲ့ယုံကြည်ချက်ရှိရမယ်။ တိုင်းပြည်နဲ့လူမျိုးနဲ့က မဆိုင်ဘူး။ ညံ့တာက တခြား
အကြောင်းကြောင့်ညံတာ။ ညံ့သွားတာကို
ပြောစရာမလိုဘူး။

☘️ အဲဒီညံ့စေတတ်တဲ့အကြောင်းတရားတွေကို ငါ့လက်ထက်ကျ ကောင်းအောင်လုပ်မယ် ဆိုတဲ့ စိတ်ထားရမယ်။ ဟုတ်တယ် မလား။ ညံ့တာ
တခြားကြောင့်ညံ့တာ၊ လူမျိုးညံ့လို့ ညံ့တာ
မဟုတ်ဘူး။

☘️ တစ်ခါတစ်လေကျတော့မဖြစ်ဘူးလားဆိုတော့ ဖြစ်ပါတယ်။ ဒို့နိုင်ငံ အောက်ကျနောက်ကျ
ဖြစ်နေတယ်။ အမှန်ကတော့ တစ်နိုင်ငံလုံး
အတိုင်းအတာနဲ့ဆို ကြိုးစားမှု အားနည်းကျတာ ပေါ့။ ကြိုးစားရမှာပေါ့။ ကိုယ့်ကျ ကြိုးစားမယ်ဆိုတဲ့စိတ်ထားရမယ်။ ဘယ်သူ့မှ အပြစ်
တင်
စရာ blame လုပ်စရာမလိုဘူး။

☘️ ကိုယ့်ဟာက်ိုဘဲ တိုးတက်အောင်ကြိုးစား။
ကိုယ်တစ်ယောက်တိုးတက်သွားရင် ကိုယ့်မိသားစုတိုးတက်မယ်၊ ကျန်တဲ့သူတွေလည်းတိုးတက်
မယ်။ မိသားစုတိုင်း မိသားစုတိုင်းတိုးတက်မယ်။

☘️ ဗမာစကားမေ့တယ်ဆိုတာ ဂုဏ်ယူထိုက်တာမဟုတ်ဘူး။ စိတ်ပျက်စရာ upset ဖြစ်စရာကောင်းတဲ့အရာဖြစ်တယ်။ ဝမ်းနည်းစရာဘဲ။ ဘာလို့လဲဆိုတော့ ကိုယ့်ရဲ့ tradition တစ်ခုဆုံးရှူံးသွားတယ်။

☘️ အခု ဗမာပြည်ထဲမှာလည်း ကလေးတွေဟာ International school တွေနေပြီးတော့ ဗမာစကားမပြောတတ်ဘူးဆိုတာ မိဘတွေက ဂုဏ်ယူနေကြတယ်။ ကိုယ့်မှာဆုံးရှူံးနစ်နာမှုကြီး တစ်ခုဖြစ်တာကို မသိကြဘူး။

☘️ အဲဒါဘာတွေဖြစ်ကုန်တုန်းဆိုတော့ အမေရိကန်မှာနေတဲ့ မိသားစုမွေးတဲ့ကလေးလေးတွေ
ဒီ ၆ နှစ်အရွယ်လောက်ရှိတဲ့ ကလေးထက်ငယ်တယ်။ အဲဒီအရွယ်လေးတွေကထည်းကစပြီးတော့ ဗမာလေးတွေဟာ ဗမာစကားမတတ်တာ အတော်ဆုံးရှုံးတယ်ဆိုတာ သဘောမပေါက်
သေးဘူး။ အဲဒါ လအော် လအဲ ဖြစ်ကုန်တာ။
အောက်ကလိ အာ, အာ အောက်ကလိ။
ကြားဖူးကြလား။

☘️အောက်ကလိအာ ပုံပြင်
"အောက်ကလိ" ဆိုတာ ကြက်တွန်တဲ့အသံကို အသံစွဲလုပ်ထားတာ။
"အာ" ဆိုတာ ကျီးကန်းရဲ့အသံ၊
အဲဒီပုံပြင်မှာ ဌက်မရှိတဲ့ဒေသကို ကျီးတစ်ကောင်ကို ခေါ်သွားတာ။ ဌက်မရှိတဲ့အခါကျတော့ ကျီးက အဲဒေသမှာရှိတဲ့   ကြက်နဲ့အိမ်ထောင်ကျတယ်။ သူကတခြားဌက်မရှိဘူး။

☘️ အဲဒီကျီးနဲ့ကြက်နဲ့ရတဲ့ ကလေးတွေက ဘာဖြစ်တုန်းဆိုရင် အမေဖက်ကအသံ၊ အဖေဖက်က အသံ တစ်ဝက်စီဘဲ 
ပြောတတ်တယ်။ အဲတော့ ဘာဖြစ်တုန်းဆိုတော့ ကျီးသံအော်ချင်ရင် "အာ အောက်ကလိ", ကြက်သံအော်ချင်ရင် "အောက်ကလိ အာ"၊
အဲဒါကိုဆိုတာပြောတာ။ မိမကျ ဖမကျ
"အာ အောက်ကလိ", "အောက်ကလိ အာ"
ဆိုတာ။

☘️ အဲလိုမဖြစ်စေဘဲ ကိုယ့်ဘာသာစကားကို
ကိုယ်က ထိန်းသိမ်းစောင့်ရှောက်ရမယ်။ ကိုယ့် tradition ကို ကိုယ်ထိန်းသိမ်းစောင့်ရှောက်ရမယ်။
အဲဒါအရေးကြီးဆုံးဘဲ။

☘️ ကိုယ့်ဘာသာစကားမေ့တာဂုဏ်ယူစရာ
မဟုတ်ဘူး။ တတ်စရာရှိရင် တော့ မင်းတတ်ချင်သလောက် မိုးပျံအာင် တတ်အောင်သင်။ အင်္ဂလိပ်တတ်ချင်ရင် အင်္ဂလိပ်တွေနဲ့ပြိုင်ပြီး
ပြောနိုင်ရမယ်။ ကြိုးစား။ ကြားလား။

🍃   🍃   🍃   🍃   🍃   🍃   🍃   🍃   🍃   🍃   🍃

🖌 ဆရာတော်ဘုရားကြီးမိန့်ကြားသော
အဖိုးမဖြတ်နိုင်သည့် သြဝါဒကို ပြန်လည်မျှဝေခြင်းဖြင့်
ပူဇော်ပါသည်ဘုရား။

🙏🏻 တပည့်
ယုဇနဉာဏီ
အပြည်ပြည်ဆိုင်ရာ ထေရဝါဒ ဗုဒ္ဓသာသနာပြုတက္ကသိုလ် (ITBMU)
၂၀၁၇ ခုနှစ်၊ အောက်တိုဘာ (၃၀) ရက်၊ တနင်္လာနေ့။