SIF

Vol.(3) No.(17), April (4-10) ဗုဒ္ဓဟူးနေ့ထုတ် The Speaker News Journal တွင်ထည့်သွင်းဖော်ပြခံရသော ကျွန်တော်၏ကိုယ်တိုင်ရေး ဆောင်းပါးတစ်ပုဒ်။ဂျာနယ်တွင် သတ္တိရှိရှိ ထည့်သွင်းပေးပါသော Speaker journal အယ်ဒီတာချုပ် အွန်လိုင်းဝဏ္ဏ အားကျေးဇူးအထူးတင်ရှိပါကြောင်းနှင့် ပုံပို့ပေးပါသော ဆရာ ကိုကိုလင်း(အမေ့အိမ်)အားအထူးကျေးဇူးတင်ရှိပါကြောင်း။
-------------------------------------------------------------
ထိန်းညှိပေးရမည့် ကျောင်းဖွံ့ဖြိုးတိုးတက်မှုရန်ပုံငွေ(SIF)    ထောက်ပံ့မှု ကွာဟချက်
                                                                                               ဦးအောင်ကိုကို(M.Ed.)

လွန်ခဲ့သောဆယ်စုနှစ်များစွာကမူလတန်း၊အလယ်တန်း၊အထက်တန်းကျောင်းများတွင်ကျောင်းအုပ်ကြီးများသည်အလွန်အရေးပါပြီးဂုဏ်သတင်းကျော်စောကြသည်။ကျောင်းဖွံဖြိုးတိုးတက်ရေးအတွက်သူတို့ကိုယ်တိုင်ဦးဆောင်၍ရပ်ထဲရွာထဲသို့လှည့်လည်အလှူခံခြင်း၊လမ်းသွားလမ်းလာများကိုအလှူခံခြင်း၊ရွာဘုရားပွဲလာသည့်ဧည့်ပရိသတ်များကိုအလှူခံခြင်းစသည့်နည်းလမ်းပေါင်းစုံပြုလုပ်၍ကျောင်းအုတ်တံတိုင်း၊စာသင်ဆောင်၊အိမ်သာများကိုရပ်ရွာလူထုနှင့်ပူးပေါင်း၍ဖွံ့ဖြိုးတိုးတက်အောင်ပင်ပန်းဆင်းရဲစွာလုပ်ကိုင်ဆောင်ရွက်ခဲ့ကြသည်။ကိုယ်ထူကိုယ်ထစနစ်ဖြစ်သဖြင့်ကျောင်းနှင့်ပတ်သက်၍မည်သည့်စစ်ဆေးရေးမှလည်းမဝင်ခဲ့ပါ။ရပ်ရွာကလည်းကျောင်းအုပ်ကြီး၏ဆုံးဖြတ်ချက်သည်သာအတည်ဖြစ်သည်။မည်သူတစ်ဦးတစ်ယောက်ကမှစောဒကမတက်ခဲ့ကြပါ။ကျောင်းအုပ်ကြီးကလည်းရပ်ရွာလူထု၏ယုံကြည်ကိုးစားမူကိုတန်ဖိုးထားလေးစားပြီးကျောင်းဖွံဖြိုးတိုးတက်ရေးအတွက်စွမ်းစွမ်းတမံပါဝင်ဆောင်ရွက်ကြခဲ့ကြသည်။ရပ်ရွာလူထုပူးပေါင်းပါဝင်မှုနှင့်အတူစာသင်ကျောင်းများတော်တော်လေးတိုးတက်ပြောင်းလဲခဲ့ပါသည်။ကျောင်းအုပ်ချပ်ရေးပိုင်းတွင်လည်းကျောင်းအုပ်ကြီးသည်ကျောင်းတွင်းဆရာဆရာမများ၏ချစ်ကြောက်ရိုသေမှုကိုခံကြရပြီးလက်အောက်ဝန်ထမ်းများ၏အကောင်း၊အဆိုးအကြောင်းအကျိးကိုဆုံးမပဲ့ပြင်ပေးနိုင်ကြသည့်ပဲ့ကိုင်ရှင်ကျောင်းအုပ်ကြီးများအဖြစ်ဝံ့ဝံ့ထည်ထည်ရပ်တည်နိုင်ခဲ့ကြသည်။

ကျောင်းဖွံ့ဖြိုးဖို့ထောက်ပံ့စို့

ယနေ့ခေတ်တွင်ကျောင်းအုပ်ကြီးများသည်ကျောင်းများတိုးတက်စေရန်ယခင်တုန်းကလိုစေတနာရှင်များ၊အလှူရှင်များကိုမျက်နှာငယ်စွာတောင်းဆိုနေခြင်းမပြုလုပ်ရတော့ပဲနိုင်ငံတော်ကကျောင်းဖွံ့ဖြိုးတိုးတက်အောင်တစ်ဖက်တစ်လမ်းမှကူညီပံ့ပိုးသည့်အနေဖြင့်၂၀၁၀မှ၂၀၁၄ထိအသေးသုံးငွေများကိုသင့်တော်သလိုကျောင်းများကိုခွဲဝေပေးခဲ့ပါသည်။၂၀၁၄—၂၀၁၅ခုနှစ်မှစတင်ပြီးနိုင်ငံတော်အစိုးရ၊ကမ္ဘာဘဏ်နှင့်အခြားနိုင်ငံတကာအဖွဲ့အစည်းများပူပေါင်း၍ကျောင်းများဖွံဖြိုးတိုးတက်စေရန်အလို့ငှါကျောင်းထောက်ပံ့ကြေး(SG)ယခုအခေါ်ကျောင်းဖွံ့ဖြိုးတိုးတက်မှုရန်ပုံငွေ(SIF)များအားကျောင်းသား၊ကျောင်းသူဦးရေအလိုက်ကျောင်းများကိုစတင်ထုတ်ပေးခဲ့ပါသည်။ကျောင်းထောက်ပံ့ကြေး အစီအစဉ်ဆိုသည်မှာ ကမ္ဘာ့ဘဏ်မှ (အတိုးမဲ့) ချေးငွေ အမေရိကန်ဒေါ်လာ သန်း ၈၀၊ AusAIDMultiDonorTrustFund(MDTF)မှအမေရိကန်ဒေါ်လာသန်း၂၀၊စုစုပေါင်းဒေါ်လာသန်း၁၀၀ဖြင့်အခြေခံပညာကျောင်းများကိုငွေကြေးထောက်ပံ့ပေးသည့်အစီအစဉ်ဖြစ်ပါသည်။၂၀၁၄—၁၅ပညာသင်နှစ်မှစ၍ ၂၀၁၇—၂၀၁၈ထိ(၄)နှစ်ထောက်ပံ့ပေးမည့်အစီအစဉ်ဖြစ်သည်။ပညာရေးတိုးတက်ပြောင်းလဲလာမည်ဆိုရင်ကမ္ဘာ့ဘဏ်ကအကြွေးလျှော်ပေးမည်ဟုထုတ်ပြန်ထားပါသည်။ကျောင်းသား၊ကျောင်းသူအရေအတွက်ပေါ်မူတည်၍ ကျောင်းထောက်ပံ့ကြေးကိုခွဲဝေရရှိပါသည်။တစ်ကြိမ်တည်းအကုန်မပေးပဲ(၂)ကြိမ်ခွဲ၍တစ်ဝက်စီခွဲဝေပေးပါသည်။

ကျောင်းအမျိးအစားအလိုက်ခွဲဝေရရှိပုံ

မူလတန်း၊မူလွန်၊အ.လ.က(ခွဲ)နှင့်အလယ်တန်းကျောင်းများသည်အောက်ပါအတိုင်းခွဲဝေရရှိပါသည်။ကျောင်းသား ၅၀အောက်=၄သိန်း၊ကျောင်းသား၅၁—၁၀၀=၈သိန်း၊ကျောင်းသား၁၀၁—၂၀၀=၁၀သိန်း၊ကျောင်းသား၂၀၁— ၃၀၀=၁၂သိန်း၊ကျောင်းသား၃၀၁—၄၀၀=၁၄သိန်း၊ကျောင်းသား၄၀၁—၅၀၀=၁၆သိန်း၊ကျောင်းသား၅၀၁— ၇၀၀=၁၈သိန်း၊ကျောင်းသား၇၀၁—၉၀၀=၂၂သိန်း၊ကျောင်းသား၉၀၁—၁၁၀၀=၂၆သိန်း၊ကျောင်းသား၁၁၀၁—၁၅၀၀=၃၀သိန်း၊ကျောင်းသား၁၅၀၁—၂၀၀၀=၃၄သိန်း၊ကျောင်းသား၂၀၀၁—၂၅၀၀=၃၈သိန်း၊ကျောင်းသား၂၅၀၁မှအထက်=၄၂သိန်းခွဲဝေရရှိပါသည်။အထက(ခွဲ)နှင့်အထက်တန်းကျောင်းများကိုတော့အောက်ပါအတိုင်းတွက်ချက် ထုတ်ယူရရှိပါသည်။(ကျောင်းသားဦးရေ × ၅ ထောင်) + ၅ သိန်း ဖြစ်ပါသည်။ဥပမာ—ကျောင်းသား ၅၀၀ ရှိပါက (၅၀၀×၅၀၀၀)+၅၀၀၀၀၀= သိန်း ၃၀ ဖြစ်ပါသည်။စက်တင်ဘာလကျောင်းသားဦးရေဖြင့်တွက်ချက် ရပါသည်။ဖော်ပြပါငွေပမာဏများသည်တစ်နှစ်စာဖြစ်သည်။တစ်နှစ်ကိုနှစ်ကြိမ်ခွဲ၍တစ်ဝက်စီချထားပေးပါသည်။

ကျောင်းထောက်ပံ့ကြေးကော်မတီ

ကျောင်းအုပ်က ဥက္ကဌ ဖြစ်ပါသည်။ ကျန်အဖွဲ့ဝင်များကတော့ရပ်/ကျေး ဥက္ကဌ (၁) ဦး၊ကျောင်းအကျိုးတော်ဆောင် (၂)ဦး၊မိဘဆရာအသင်းမှ(၂)ဦး၊တိုင်းရင်းသားကိုယ်စားလှယ်(သို့)အရပ်ဖက်လူမှုအဖွဲ့အစည်းNGO(၁)ဦး၊အတွင်းရေးမှူး(၁)ဦး၊မူလတန်းကျောင်းများတွင်ဆရာ/မကိုယ်စားလှယ်(၁)ဦး၊အလယ်တန်းကျောင်းများတွင်ဆရာ/ဆရာမကိုယ်စားလှယ်(၅)ဦး၊အထက်တန်းကျောင်းများတွင်ဆရာ/ဆရာမကိုယ်စားလှယ်(၇)ဦးတို့ဖြစ်ပါသည်။(NGOဟုဆိုသော်လည်းမီးသတ်၊မိခင်နှင့်ကလေးစောင့်ရှောက်ရေးကဲ့သို့အစိုးရနှင့်သက်ဆိုင်သည့်အဖွဲ့အစည်းများလည်းပါဝင်ပါသည်။)ကျောင်းအုပ်ကြီးကမြို့နယ်ပညာရေးမှူးရုံးမှထုတ်ယူပါမည်။ကျောင်းထောက်ပံ့ကြေးကော်မတီကတာဝန်ယူသုံးစွဲပါမည်။ကျောင်းထောက်ပံ့ကြေးကော်မတီတွင်ကျောင်းအုပ်ကြီးကဥက္ကဌဖြစ်သဖြင့်ကျောင်းအုပ်တွင်သာအဓိကတာဝန်အရှိဆုံးဖြစ်သည်။ဆိုလိုသည်မှာကျောင်းအုပ်ကြီးကငွေကိုင်သုံးစွဲသူဖြစ်သောကြောင့်ပြဿသနာအရှုပ်အရှင်းပေါ်ပေါက်ပါကလည်းကျောင်းအုပ်ကြီးကသာတာဝန်ခံရပါမည်။ကျောင်းထောက်ပံ့ကြေးကော်မတီမှလွဲ၍မည်သည့်အရပ်ဖက်၊အစိုးရအဖွဲ့အစည်းမှတာဝန်ယူထိန်းသိမ်းခြင်းမပြုရပါ။

ခေါင်းစဉ်အလိုက်သုံးစွဲပုံ

ကျောင်းထောက်ပံ့ကြေးငွေများကိုယခုအခါတွင်ခေါင်းစဉ်(၁၃)ခုခွဲ၍အသုံးပြုရပါမည်။ယခုခေါင်းစဉ်(၁၃)ခုနှင့်အကျုံးမဝင်သောနေရာများတွင်သုံးစွဲခွင့်မရှိ။ယခုခေါင်းစဉ်(၁၃)ခုအတွင်းကသုံးစွဲရာတွင်လည်းသုံးစွဲသမျှကိုကော်မတီဝင်များအားအသိပေးရှင်းလင်းတင်ပြရပါသည်။ပွင့်လင်းမြင်သာမှုအားနည်းရင်အတိုင်ခံရမည်။သဘောထားမတိုက်ဆိုင်သည့်ဆုံးဖြတ်ချက်များကိုမဲခွဲဆုံးဖြတ်နိုင်သည်။ကျောင်းအုပ်ကြီး၏သဘောဆန္ဒတစ်ခုတည်းမရပါ။ကော်မတီဆုံးဖြတ်ချက်သာအတည်ဖြစ်ပါသည်။ကျောင်းအုပ်သည်ဥက္ကဌဖြစ်သဖြင့်လုပ်ပိုင်ခွင့်အရှိဆုံးသူဖြစ်သည်ကိုတော့သိရှိရပါလိမ့်မည်။ခွဲဝေသုံးစွဲရမည့်ဘတ်ဂျက်ခေါင်းစဉ်(၁၃)ခုမှာ၀၂၀၁—ပြည်တွင်းခရီးစရိတ်၊၀၃၀၁—လုပ်အားခ၊၀၃၀၃—ငှါးရမ်းခ၊၀၃၀၄—သယ်ယူပို့ဆောင်ခ၊၀၃၀၅—ရုံးအသုံးအဆောင်၊၀၃၀၇—တံဆိပ်ခေါင်းတယ်လီဖုန်း၊၀၃၀၈—လျှပ်စစ်ဓာတ်အားခ၊၀၃၀၉—သတင်းစာ၊စာနယ်ဇင်း၊၀၃၁၃—လုပ်ငန်းသုံး၊၀၃၁၄—အစားအစာ၊ဧည့်ခံစရိတ်၊၀၃၂၀—ပုံနှိပ်ခနှင့်စာအုပ်စာတမ်းထုတ်ဝေစရိတ်၊၀၃၂၅—ပြပွဲ၊ပြိုင်ပွဲ၊၀၄၀၉—အခြားတ်ို့ဖြစ်ပါသည်။

လိုက်နာရမည့်စည်းကမ်း

ကျောင်းထောက်ပံ့ကြေးကော်မတီအစည်းအဝေးကိုအနည်းဆုံး(၃)ကြိမ်ပြုလုပ်ရမည်။ပွင့်လင်းမြင်သာမှုရှိရမည်။ရ/သုံးငွေစာရင်းကိုကော်မတီဝင်များ၊ဆရာ/မများကိုရှင်းလင်းတင်ပြရပါမည်။ဘောက်ချာတစ်ရွက်လျှင် (၂) သိန်းထက်မပိုရပါ။ပိုလျှင်အခွန်ဆောင်ရမည်။ကမ္ဘာ့ဘဏ်ပိုက်ဆံများကိုအခွန်မဆောင်စေလိုသောကြောင့်ဖြစ်သည်။ထို့ကြောင့်computerကဲ့သို့တန်ဖိုးကြီးပစ္စည်းကြီးကြီးမားမားဝယ်မရပါ။ပြည်တွင်းခရီးစရိတ်သည်စုပေါင်းရငွေ၏၃%ခန့်သာဖြစ်သင့်သည်။၅%ထက်မကျော်စေရန်မှာကြားထားပါသည်။အထက်ပါကျောင်းထောက်ပံ့ကြေးငွေများနှင့်ပတ်သက်၍ရည်ရွယ်ချက်ကောင်းများချမှတ်ထားသော်လည်းမြေပြင်အခြေအနေမှန်တွင်တာဝန်ထမ်းဆောင်နေသောကျောင်းအုပ်အချို့လိုက်နာဆောင်ရွက်မှုအားနည်းကြသည်။ထို့အပြင်ကျောင်းထောက်ပံ့ကြေးငွေများကိုမှန်မှန်ကန်ကန်သုံးစွဲဖို့၊ခေါင်းစဉ်နှင့်အညီသုံးစွဲဖို့နှစ်စဉ်သင်တန်းတွေပေးနေသော်လည်းကျောင်းအုပ်အချို့၏လုပ်ကိုင်ဆောင်ရွက်မှုအမှားနှင့်ရလိုမှုလောဘကြောင့်သတိပေးမှုများ၊အရေးယူအပြစ်ပေးခြင်းများမကြာခဏဆိုသလိုပြုလုပ်နေရပြီးဒီငွေကြေးများကြောင့်ပဲတစ်ချို့ဒုက္ခရောက်ကြရသလိုတစ်ချို့လည်းဒီငွေကြေးဝဲဂယက်ထဲမှာမျောပါနေကြသည်ကိုအများအပြားတွေ့ရှိနေရပါတော့သည်။ကျောင်းထောက်ပံ့ကြေးငွေပေးခြင်းကြောင့်ဖြစ်ပေါ်လာသည့်အားသာချက်၊အားနည်းချက်များကိုအကြံပြတင်ပြချင်မိပါတော့သည်။

ထောက်ပံ့မှုကွာဟချက်နှင့်ဘေးထွက်ဆိုးကျိုး

၂၀၁၄—၂၀၁၅ခုနှစ်မှစတင်ပြီးကျောင်းများဖွံဖြိုးတိုးတက်စေရန်အလို့ငှါနိုင်ငံတော်ကကျောင်းထောက်ပံ့ကြေး(SG)ယခုအခေါ်ကျောင်းဖွံ့ဖြိုးတိုးတက်မှုရန်ပုံငွေ(SIF)များအားကျောင်းသား၊ကျောင်းသူဦးရေအလိုက်ကျောင်းများကိုစတင်ထုတ်ပေးခဲ့ပါသည်။သို့သော်ကျောင်းထောက်ပံ့ကြေးငွေကလည်းကျောင်းအမျိုးအစားချင်းတူတူဖြစ်သော်လည်းကျောင်းသား၊ကျောင်းသူဦးရေနည်းသည့်ကျောင်းကငွေနည်းနည်းနည်းရပြီး၊ကျောင်းသား၊သူဦးရေများသည့်ကျောင်းကငွေများများရကြတော့သည်။များသောအားဖြင့်မြို့ပေါ်ကျောင်းများသည်ကျောင်းသား၊ကျောင်းသူဦးရေအဆမတန်များပြားသည့်အတွက်ကျောင်းထောက်ပံကြေးငွေများများရကြသည်။ဟိုးယခင်ကကျောင်းတိုးတက်ဖို့အလှူခံရသမျှငွေအနည်းငယ်ကိုသာကိုင်ခဲ့ရသောကျောင်းအုပ်ကြီးအချို့သိန်းပေါင်းများစွာလက်ထဲကိုင်လာရသောအခါစာရိတ္တချိ့ယွင်းလာကြသည်။အကျင့်ပျက်ချစားလာကြသည်။မိမိအုပ်ချူပ်သည့်ကျောင်းကြည့်လိုက်တော့လည်းယခင်ကတည်းကချမ်းသာသောစေတနာရှင်များ၊ကျောင်းသားဟောင်းများနှင့်ကျောင်းသားမိဘများလှူဒါန်းထားမူကြောင့်အရာရာပြည့်စုံနေတော့ကျောင်းထောက်ပံ့ကြေးငွေများကိုသုံးစရာနေရာမရှိတော့သည့်အတွက်ကျောင်းအုပ်ကြီးအချို့လောဘတက်လာသည်။စာရင်းဇယားများလိမ်ပြကြတော့သည်။ထို့ကြောင့်ပြည့်စုံသောကျောင်းများရှိတစ်ချို့ကျောင်းအုပ်များသည်ကျောင်းထောက်ပံ့ကြေးငွေကိုနည်းနည်းစား၍များများအလုပ်ပြကြသည်။တစ်ချိ့ကျောင်းအုပ်များကတော့များများစား၍နည်းနည်းသာတိုးတက်အောင်လုပ်ပြတော့သည်။ကျောင်းဖွံဖြိးတိုးတက်ဖို့ထက်သူတို့၏စိတ်ထဲဘောင်ချာစာရွက်အလွတ်တွေနှင့်သာစာရင်းပြဖို့ကြံစည်နေတော့သည်။ကျောင်းငယ်လေးများရှိမှန်မှန်ကန်ကန်လုပ်သောကျာင်းအုပ်များကလည်းကျောင်းသား၊သူဦးရေအလိုက်တွက်ချက်မှုအရကျောင်းထောက်ပံ့ကြေးငွေနည်းနည်းပဲရသည့်အတွက်ကျောင်းတိုးတက်ရေးအတွက်နည်းနည်းလောက်သာလုပ်ပြနိုင်တော့သည်။

လုပ်ငန်းခွင်မပျော်ရွှင်

ဟိုးယခင်ကရပ်ရွာလူထုသည်ကျောင်းဖွံ့ဖြိုးတိုးတက်ရေးအတွက်တက်ကြွစွာပူးပေါင်းပါဝင်ဆောင်ရွက်ခဲ့သော်လည်းခုလိုနိုင်ငံတော်ကကျောင်းထောက်ပံ့ကြေးငွေများပံ့ပိုးပေးသည့်အချိန်မှစ၍ကျောင်းတိုးတက်ရေးအတွက်စိတ်ဝင်စားမှုအားနည်းသွားကြသည်ကိုတွေ့နေရသည်။တစ်ချိ့ရွာများတွင်မိဘဆရာအသင်းဆွေးနွေးချင်လို့ပါပြောတာတောင်မှတက်တက်ကြွကြွမလာချင်ကြတော့ပေ။တစ်ချို့ရပ်ရွာလူထုကလည်းအသိဉာဏ်ကင်းမဲ့စွာကျာင်းထောက်ပံ့ကြေးငွေကျွန်တော်တို့ကိုအပ်ပါဆိုပြီးပြောနေကြသည်။ကျောင်းအုပ်ကြီးကလည်းအပြင်လူကိုငွေအပ်လို့မရကြောင်း။သူတို့ချမှတ်ထားတဲ့ခေါင်းစဉ်အတိုင်းသုံးစွဲရမှာဖြစ်ကြောင်း။မိမိဝယ်ချင်တာဝယ်မရကြောင်းပစ္စည်းခေါင်းစဉ်တစ်ခုကို(၂)သိန်းထက်ပိုသုံးစွဲလို့မရကြောင်းပြောသော်လည်းရပ်ရွာလူထုကမယုံချင်ကြတော့။အစည်းအဝေးလည်းအကြိမ်ကြိမ်ပျက်ခဲ့ပြီ။ဒီလိုတွေကျောင်းတွင်းကျောင်းပြင်စည်းလုံးမှုပြိုကွဲလာတော့ကျောင်းအုပ်ကြီးများလုပ်ငန်းခွင်ပျော်ရွှင်မှုအားနည်းလာသည်။အရင်တုန်းကကျောင်းအုပ်ကြီးမာန၊သိက္ခာ၊သမာဓိ၊ဂုဏ်၊ကျွမ်းကျင်မှုတို့ဖြင့်နေလာခဲ့သော်လည်းခုအချိန်မှာတော့လက်ထောက်ဆရာ၊ဆရာမကမကျေနပ်လို့တိုင်ပြန်ရင်လည်းဖြေရှင်းရသလိုရပ်ရွာလူထုကမကျေနပ်လို့တိုင်ပြန်ရင်လည်းဖြေရှင်းရပြန်ပါသည်။ကျောင်းထောက်ပံ့ကြေးငွေစားလို့အမှန်အကန်တိုင်ကြားခံရတာတွေလည်းရှိသလို၊ကျောင်းထောက်ပံ့ကြေးငွေမစားပေမယ့်လည်းပုဂ္ဂိုလ်ရေးမုန်တီးမှုကြောင့်သော်လည်းကောင်း၊အခွင့်အရေးယူလက်ထောက်ဆရာ၊ဆရာမများ၏လိုဘဖြည့်ဆည်းမပေး၍သော်လည်းကောင်း၊အခွင့်အရေးမပေး၍သော်လည်းကောင်းစသည့်အချက်တို့နှင့်ကျောင်းအုပ်ကြီးကိုတိုင်တန်းကြတော့သည်။တစ်ချို့တိုင်တန်းသူမှန်လို့ကျောင်းအုပ်ပြုတ်တာတွေရှိသလို၊တစ်ချို့ကျတော့လီဆယ်တိုင်ကြားပြီးခံရသူကျောင်းအုပ်ကနစ်နာတာတွေလည်းရှိခဲ့ပါသည်။ဘာပဲဖြစ်ဖြစ်ကျောင်းအုပ်အများစုသည်ငွေကြေးကိစ္စတွင်အနည်းနှင့်အများဆိုသလိုမလွတ်ကင်းနိုင်သည့်အတွက်ဘယ်အချိန်တိုင်ကြားခံရမလဲတွေးရင်းလုပ်ငန်းခွင်မပျော်ရွှင်မှုတွေနှင့်နေ့စဉ်ရင်မောနေမိရပါတော့သည်။
 
နိုင်တိုင်းဖိစရာဖြစ်လာ

ရပ်ရွာလူထုကလည်းကျောင်းထောက်ပံ့ကြေးငွေပေးထားတာအကြောင်းပြုပြီးကျောင်းဖွံ့ဖြိုးတိုးတက်ရေးအတွက်ငွေလောက်တာမလောက်တာ၊သုံးစွဲသင့်လား၊မသင့်လားမသိပဲမြန်မာယဉ်ကျေးမှုထုံးထမ်းစဉ်လာအရလုပ်သည့်ကျောင်းတွင်းဝါဆိုသင်္ကန်း၊ဘုံကထိန်၊ဆရာကန်တော့ပွဲ၊စုံညီပွဲတော်တို့နှင့်အခြားကျောင်တွင်းပြုလုပ်သည့်အထိမ်းအမှတ်ပြုလုပ်မှုများအတွက်ငွေအနည်းအများကောက်ခံမှုကိုပင်လက်မခံတော့ပေ။ငွေကောက်တာနှင့်တိုင်တော့သည်။ငွေနည်းတာများတာကိုမကြည့်တော့။တိုင်လို့ရတိုင်းတိုင်ကြတော့သည်။စစ်ဆေးတဲ့လူကလည်းဟုတ်မဟုတ်၊မှန်မမှန်၊သင့်မသင့်မစဉ်းစားတော့ပဲတိုင်တာနှင့်စစ်တော့သည်။ကျောင်းအုပ်ကြီးများဘဝကလည်းမှန်လည်းစစ်ဆေးခံရ၊မမှန်လည်းစစ်ဆေးခံရစသည်တို့နှင့်အချိန်ကုန်နေပြီးကျောင်းအတွက်ဘာမှမလုပ်ရဲတော့ပဲကျောင်းရုံးခန်းရောက်လာသူမှန်သမျှကိုကြောက်နေရတဲ့ဘဝမျိူးရောက်မှန်းမသိရောက်နေပါတော့သည်။တစ်ဖက်မှာလည်းရပ်ရွာဘက်ကဒီလိုတိုင်ကြားတာခဏခဏလုပ်လာတော့ကျောင်းတိုးတက်ရာတိုးတက်ကြောင်းလုပ်ချင်သောကျောင်းအုပ်များပင်စိတ်ပျက်လာကြသည်။စိတ်လျှော့လာကြသည်။ရပ်ရွာနှင့်ကျောင်းအုပ်ကြားယုံကြည်မှုပျောက်ဆုံး၍ကျောင်းတိုးတက်ရာတိုးတက်ကြောင်းမလုပ်နိုင်ကြတော့ပါ။တစ်ချိ့ရွာများတွင်ရပ်ရွာလူထုကဆိုးတာရှိသလိုကျောင်းအုပ်ဆိုးတာတွေလည်းရှိနိုင်ပါသည်။တစ်ဖက်နှင့်တစ်ဖက်အမြင်မကြည်ပြီးအမုန်းမီးပွားနေကြ၍ကျောင်းသား၊သူအနာဂတ်တွေမှေးမှိန်ပျောက်ကွယ်သွားမှာစိုးကြောက်မိပါသည်။

မလုပ်၊မရှုပ်၊မပြုတ်

ယနေ့ခေတ်ကျောင်းများတွင်ကျောင်းအုပ်ကြီးများသည်နိုင်ငံတော်ကထောက်ပံ့သည့်ငွေမလောက်သဖြင့်ကျောင်းဖွံ့ဖြိုးတိုးတက်ရေးအတွက်ကောင်းသောရည်ရွယ်ချက်နှင့်ပိုက်ဆံကောက်ချင်သော်လည်းရပ်ရွာလူထုကငွေကြေးအနည်းငယ်လောက်ကောက်တာကိုပင်တိုင်ကြားနေကြတော့ကျောင်းတိုးတက်ရေးအတွက်ဘာမှလုပ်မရတော့။တိုင်ကြားပြီဆိုကတည်းကမှန်သည်ဖြစ်စေ၊မှားသည်ဖြစ်စေ၊စစ်ဆေးခံရမည်။အလုပ်ရူပ်တော့မည်။သင်ကြားရေးနှင့်ကျောင်းအုပ်ချပ်ရေးလစ်ဟင်းတော့မည်။ပညာရေးဝန်ကြီးဌာနဘက်ကလည်းထူးချွန်ရင်ဆုလာဒ်မပေးသော်လည်းတိုင်ကြားရင်တော့မှန်မှန်မှားမှားတာဝန်အရစစ်ဆေးပါတော့သည်။ထို့ကြောင့်ကျောင်းအုပ်များကလည်းအရေးယူအပြစ်ပေးသည့်သာဓကများစွာရှိထားတော့သူတို့စိတ်ထဲကျောင်းနှင့်ဝန်းကျင်တိုးတက်ရေးအတွက်အစီအစဉ်များချမှတ်ထားသော်လည်းအကောင်အထည်မဖော်ရဲတော့ပဲရသည့်ကျောင်းထောက်ပံ့ကြေးငွေလေးနှင့်ကြုံသလိုလုပ်ကိုင်ဆောင်ရွက်နေရပါတော့သည်။ထို့ပြင်ကျောင်းအုပ်များကလည်းငါဘာလုပ်လုပ်ရပ်ရွာကမပူးပေါင်း၊မပါဝင်၊ငွေကြေးမစိုက်ထုတ်ချင်ကြတော့မည့်အတူတူကျောင်းတိုးတက်ရေးအတွက်ဘာမှမလုပ်ချင်ကြတော့ပါ။ကျောင်းအုပ်ကြီးကစိတ်ပါလိုက်ပါဆောင်ရွက်မှုမလုပ်တော့ရင်ရပ်ရွာလူထုသည်မိမိတို့၏သား၊သမီးကျာင်းသား၊သူများအကျိးနစ်နာတာကိုသတိရှိကြဖို့ပါသည်။သို့သော်ရပ်ရွာလူထုသည်ပွဲလမ်းသဘင်လုပ်ဖို့အတွက်ဆိုရင်တစ်ရက်တစ်ညလောက်ကလေးကိုငွေတွေပုံအောထည့်ကြသော်လည်းမိမိရပ်ရွာကျောင်းတိုးတက်ရေးအတွက်အလှူခံမည်ဆိုလျှင်တော့ငွေအနည်းငယ်မျှကောက်ခံလျှင်ပင်တိုင်ကြားနေကြတော့ကျောင်းအုပ်ကြီးများသည်တိုးတက်အောင်လုပ်လိုစိတ်မရှိကြတော့ပဲအားလျော့သွားကြတာကိုဝမ်းနည်းဖွယ်တွေ့နေမြင်နေရသည်။

စံပြကျောင်းအုပ်

တစ်ချို့ကျောင်းအုပ်များသည်ကျောင်းထောက်ပံ့ကြေးငွေများကိုမှန်မှန်ကန်ကန်၊စနစ်တကျသုံးစွဲပြီးစာရင်းဇယားနှင့်တကွကျောင်းဖွံဖြိုးတိုးတက်ရေးအတွက်အားတက်သရောလုပ်ဆောင်နေတာလည်းတွေ့ရှိရပါသည်။ဒီလိုကျောင်းအုပ်မျိုးလည်းမြို့နယ်တိုင်းတွင်အတော်အသင့်ရှိပါသည်။ကျောင်းအုပ်ကမှန်မှန်ကန်ကန်သုံးစွဲသော်လည်းတစ်ချို့ကျောင်းများမှာကျာင်းလိုအပ်ချက်၊ဖြည့်ဆည်းစရာများလွန်းတော့ပေးထားတဲ့ကျောင်းထောက်ပံကြေးကအရမ်းနည်းပြီးမလောက်ငှနိုင်ပါ။အထူးသဖြင့်ကျေးရွာများရှိမူလတန်း၊အလယ်တန်းကျောင်းများကျောင်းထောက်ပံ့ကြေးငွေမလောက်မငနှင့်ရင်ဆိုင်တွေ့ကြုံနေရသည်။ထောက်ပံ့ငွေအနည်းငယ်လောက်နှင့်ကျောင်းဥပဓိရုပ်ကောင်းအောင်နှင့်ကျောင်းဖွံ့ဖြိုးတိုးတက်အောင်မစွမ်းဆောင်နိုင်ပါ။ဒါပေမယ့်လည်းတက်နိုင်သလောက်ပြောဆိုစည်းရုံးကြည့်ပြီးမိမိရွာကျောင်းတိုးတက်ရေးအတွက်ပိုက်ဆံကောက်မယ်ကြံသော်လည်းတိုင်ခံရမှာကြောက်လို့ရပ်ဝေးရပ်နီးသူငယ်ချင်း၊မိတ်ဆွေ၊အပေါင်းအသင်းများ၊စေတနာရှင်ပရဟိတလုပ်ငန်းရှင်များကိုစည်းရုံးလှုံ့ဆော်၍သော်လည်းကောင်း၊လူမှုကွန်ယက်စာမျက်နှာများတွင်ရေးသား၍သော်လည်းကောင်း၊အမျိုးမျိုးကြိုးစားရုန်းကန်၍ကျောင်းတိုးတက်ရေးအတွက်အစွမ်းကုန်ကြိုးစားနေကြသောကျောင်းအုပ်များကိုမြင်ရတော့လည်းပညာရေးမှာဒီလိုကျောင်းအုပ်များလည်းရှိသေးတာပဲဆိုပြီးဝမ်းသာဂုဏ်ယူနေမိပါတော့သည်။

အထောက်အပံ့ကောင်းဖြစ်စေဖို့

ကမ္ဘာဘဏ်အကူအညီဖြင့်ကျောင်းထောက်ပံ့ကြေးငွေများကို၂၀၁၄—၁၅ခုနှစ်ကတည်းကပေးလာခဲ့ရာယခုနှစ်ဆိုလျှင်(၅)နှစ်ရှိပြီဖြစ်သည်။ဒီ(၅)နှစ်တာကာလအတွင်းမှာကျောင်းထောက်ပံ့ကြေးငွေများဖြင့်ကျောင်းများအမှန်တကယ်တိုးတက်မှုရှိ၊မရှိပြန်လည်ဆန်းစစ်သုံးသပ်မှုတွေပြုလုပ်ဖို့အချိန်တန်ပါပြီ။ကျွန်တော်အနေဖြင့်အခြေခံပညာကျောင်းများတွင်တွေ့ကြုံနေရသည့်အခြေအနေမှန်များ၊အဖြစ်အပျက်များကိုပြန်လည်သုံးသပ်ပြီးအကြံပြုစကားဆိုရသော်—

..ခုလက်ရှိစနစ်အရမူ၊မူလွန်၊လ(ခွဲ)၊အ.လ.ကကျောင်းများတွင်ကျောင်းသား၊သူအရေအတွက်ပေါ်မူတည်၍အထက်တွင်ဖော်ပြထားသလိုကျောင်းထောက်ပံ့ကြေးငွေများကိုခွဲဝေရရှိပါသည်။ဒီလိုကန့်သတ်ချက်များကြောင့်ကျောင်းငယ်လေးများဖွံ့ဖြိုးတိုးတက်မှုနှေးကွေးနိုင်ပါသည်။ထို့ကြောင့်ကျောင်းသား(၅၀၀)အောက်ကျောင်းများကိုကျောင်းသားဦးရေမကြည့်တော့ပဲတန်းတူအခွင့်အရေးထောက်ပံ့ပေးမှသာကျောင်းထောက်ပံ့ကြေးငွေအလေ့အလွင့်ဖြစ်မှုနည်းပါးပြီးလူဦးရေနည်းမူလတန်း၊အလယ်ကျောင်းများအမှန်တကယ်ဖွံ့ဖြိုးတိုးတက်လာအောင်ဆောင်ရွက်နိုင်ခြင်း။

..ထို့အပြင်ထ(ခွဲ)နှင့်အ.ထ.ကကျောင်းတစ်ကျောင်းလျှင်ကျောင်းသားဦးရေ+၅၀၀၀=စုစုပေါင်း+၅သိန်းလျာထားသတ်မှတ်ထားသောကြောင့်ပြည့်စုံသည့်မြို့ပေါ်ကျောင်းများသာကျောင်းထောက်ပံ့ကြေးငွေပုံအောရရှိနေခြင်း။အမှန်တကယ်လိုအပ်သည့်ကျောင်းများသည်ကျောင်းထောက်ပံ့ကြေးငွေနည်းနည်းသာရသည့်အတွက်ကျောင်းဖွံ့ဖြိုးတိုးတက်မှုမလုပ်နိုင်ခြင်း။ထို့ကြောင့်ကျောင်းသားဦးရေအတိုင်းကျောင်းထောက်ပံကြေးငွေပေးချင်ထက်အမှန်တကယ်လိုအပ်သောကျောင်းများကိုသာမှန်မှန်ကန်ကန်စိစစ်ရွေးချယ်ထောက်ပံ့ပေးနိုင်ရေး။    
  
..ပြည့်စုံသောကျောင်းများကိုအမှန်တကယ်အသုံးပြုရမည့်ထောက်ပံ့ကြေးငွေပေး၍သင့်တော်မျှတအောင်ထိန်းညှိပေးခြင်း။အခြားလိုအပ်သညိ့ကျောင်းများကိုလည်းဘက်မလိုက်ပဲမျှမျှတတပေး၍ကျောင်းများတန်းတူ တိုးတက်အောင် ဆောင်ရွက်ပေးခြင်း။

..ကျောင်းထောက်ပံ့ကြေးငွေထဲမှတစ်နှစ်လျှင်တစ်ကြိမ်အမှန်တကယ်လိုအပ်သောကျောင်းအတွက်အသုံးဝင်သောပစ္စည်းတစ်မျိးကိုငွေကျပ်(၅)သိန်းထက်မပိုစေပဲသုံးစွဲနိုင်ရေးတရားဝင်ခွင့်ပြုစေခြင်း။

..ကျောင်းအဆောက်အဦး၊ပရိဘောဂမပြည့်စုံသောကျောင်းများကိုသေချာစီစစ်၍ကျောင်းသား၊သူဦးရေအလိုက်မဟုတ်ပဲ၊ကျောင်းငယ်လေးများကိုသင့်တော်သည့်ထောက်ပံ့ကြေးငွေ(၁၀)သိန်းချထားပေးနိုင်ရေးစီမံဆောင်ရွက်ခြင်း။

..စာသင်ခုံမလုံလောက်သောကျောင်းများအတွက်ကျောင်းထောက်ပံ့ကြေးသီးသန့်ရန်ပုံငွေခေါင်းစဉ်ချထား၍ရပ်ရွာနှင့်ကျောင်းအုပ်ပူးပေါင်း၍ကာလပေါက်ဈေးအတိုင်းပြုလုပ်စေခြင်း။အမှန်အကန်ကွင်းဆင်းစစ်ဆေးအတည်ပြုခြင်း။

..ကျောင်းထောက်ပံကြေးငွေထဲမှအမှန်တကယ်သုံးစွဲမှုများကိုစာရင်းဘောင်ချာများကိုအဓိကမစစ်ဆေးပဲလက်တွေ့မြင်ရသည့်ပစ္စည်းစစ်များကိုသာတိုက်ဆိုင်စစ်ဆေးရန်။(တကယ်တော့စစ်ဆေးရေးများသည်တစ်နေ့တည်းကျောင်းများစွာစစ်သည့်အတွက်သေသေချာချာမစစ်နိုင်ခြင်း။လစ်ဟာမှုရှိခြင်း၊အချိန်မရ၍စာရွက်များကိုသာစစ်ဆေးတော့ခြင်း)  
  
အချုပ်အားဖြင့်ဆိုရသော်အထက်တွင်တင်ပြထားသောအချက်အလက်များကိုဆင်ခြင်သုံးသပ်၍နောင်အနာဂတ်တွင်ကျောင်းထောက်ပံ့ကြေးငွေများဖြင့်တောရောမြို့ပါမကျန်အခြေခံပညာကျောင်းများအားလုံးတစ်ပြေးညီဖွံ့ဖြိးတိုးတက်စေရန်အလို့ငှါအမှန်တကယ်လိုအပ်သော၊ဖြည့်ဆည်းစရာများသောကျောင်းများကိုကျောင်းထောက်ပံ့ကြေးငွေများများဖြည့်ဆည်းဆောင်ရွက်ပေးရုံသာမကပြည့်စုံသောကျောင်းများကိုကျောင်းထောက်ပံကြေးငွေ လျှော့ချ၍မျှခြေအခြေအနေရောက်အောင်စီမံဆောင်ရွက်ပေးခြင်းဖြင့်မလိုလားအပ်တဲ့ပြသနာများ၊ကျောင်းထောက်ပံ့ကြေးငွေအလွဲသုံးစွဲမှုများလျော့နည်းကျဆင်းရေးနှင့်ပပျာက်အောင်ဆောင်ရွက်ခြင်းစသည်တို့ကိုအလေးထားပြုလုပ်နိုင်မည်ဖြစ်ကြောင်းစေတနာရှေ့ထား၍တိုက်တွန်းနှိုးဆော်လိုက်ရပါတော့သည်ခင်ဗျာ။ 

မှတ်ချက်။ ။အထက်ပါဆောင်းပါးသည် မည်သူ့ကိုမှရည်ရွယ်ရေးသားခြင်းမဟုတ်ပါ။မြေပြင်အခြေအနေမှန်တွေ့ရှိချက်များအပြင် လူ့သဘောလူ့မနောကို သိရှိစေရန်နှင့်အကောင်းဘက်သို့ ပြု ပြင်ပြောင်းလဲနိုင်စေရန်သာ ဦးတည်ပါသည်။ကြိုက်ခြင်းမကြိုက်ခြင်း၊နှစ်သက်ခြင်း မနှစ်သက်ခြင်းကတော့ လွတ်လပ်စွာသဘောကွဲလွဲကြပါကုန်........?????///